---------
ಯಲ್ಲಾಪುರ: ತಾಲ್ಲೂಕಿನ ಉಮ್ಮಚಗಿಯ ಶ್ರೀ ಮಹಾಗಣಪತಿ ಸಂಗೀತ ಪ್ರತಿಷ್ಠಾನ ಕೋಟೆಮನೆ ಮತ್ತು ಉಮ್ಮಚಗಿಯ ಮನಸ್ಸಿನೀ ವಿದ್ಯಾನಿಲಯ ಇವರ ಆಶ್ರಯದಲ್ಲಿ ಆರ್.ಪಿ. ಅಸುಂಡಿಯವರಿಗೆ ಸ್ವರ ಶ್ರದ್ಧಾಂಜಲಿ ಸಂಗೀತ ಕಾರ್ಯಕ್ರಮವು ರವಿವಾರ ನಡೆಯಿತು. ಕಾರ್ಯಕ್ರಮ ದೀಪ ಬೆಳಗಿಸುವ ಮೂಲಕ ಪ್ರಾರಂಭವಾದ ನಂತರ, ಆರ್.ಪಿ. ಅಸುಂಡಿಯವರ ಸ್ಮರಣಾರ್ಥ ಪುಷ್ಪ ನಮನ ಮತ್ತು ಒಂದು ನಿಮಿಷದ ಮೌನವನ್ನು ಸಲ್ಲಿಸಲಾಯಿತು. ನಂತರ ನಡೆದ ಸಂಗೀತ ಸೇವೆಯಲ್ಲಿ ಅವರ ಶಿಷ್ಯರಾದ ಕುಮಾರ್ ವರುಣ ಹೆಗಡೆ ಮತ್ತು ಕುಮಾರಿ ಶರಧಿ ಹೆಗಡೆ ತಮ್ಮ ಸುಂದರ ಗಾಯನದಿಂದ ಶ್ರೋತ್ರುಗಳನ್ನು ಆಕರ್ಷಿಸಿದರು. ಈ ಕೃತಜ್ಞತಾ ಸಮಾರಂಭದಲ್ಲಿ ಶಿಷ್ಯರು ತಮ್ಮ ಗುರುಗಳಿಗೆ ನಮನ ಸಲ್ಲಿಸಿದರು.
ನಂತರ, ಅಸುಂಡಿಯವರ ಮತ್ತೊಬ್ಬ ಶಿಷ್ಯೆ, ಸುಪ್ರಿಯಾ ಹೆಗಡೆ ಜಾಲಿಮನೆ, ತನ್ನ ಅದ್ಭುತ ಗಾಯನದ ಮೂಲಕ "ಮದುವಂತಿ" ಹಾಗೂ "ಗುರು ಭಜನೆ" ಹಾಡುಗಳನ್ನು ಪ್ರಸ್ತುತಪಡಿಸಿದರು. ಶ್ರೋತೃಗಳು ಇವರ ಹಾಡುಗಳನ್ನು ಕೇಳಿ ತುಂಬಾ ಸಂತೃಪ್ತಿಯನ್ನು ವ್ಯಕ್ತಪಡಿಸಿದರು.
ಸಂಗೀತ ಕಾರ್ಯಕ್ರಮದ ಅಂತಿಮ ಭಾಗದಲ್ಲಿ ಪಂಡಿತ್ ನಾಗಭೂಷಣ್ ಹೆಗಡೆ ಅವರು ಭಾಗ್ಯಶ್ರೀ ರಾಗ ಮತ್ತು ಭಾವಗೀತೆಗಳನ್ನು ಹಾಡಿ ಪ್ರೇಕ್ಷಕರ ಮನ ಗೆದ್ದರು. ಅವರ ಗಾಯನವು ಶ್ರೋತೃಗಳ ಮನಸ್ಸಿನಲ್ಲಿ ಇಚ್ಛಿತ ಸಂಗೀತಾನುಭವವನ್ನು ನೀಡಿದಂತಾಯಿತು.
ನಂತರ, ಅಸುಂಡಿಯವರ ಮತ್ತೊಬ್ಬ ಶಿಷ್ಯೆ, ಸುಪ್ರಿಯಾ ಹೆಗಡೆ ಜಾಲಿಮನೆ, ತನ್ನ ಅದ್ಭುತ ಗಾಯನದ ಮೂಲಕ "ಮದುವಂತಿ" ಹಾಗೂ "ಗುರು ಭಜನೆ" ಹಾಡುಗಳನ್ನು ಪ್ರಸ್ತುತಪಡಿಸಿದರು. ಶ್ರೋತೃಗಳು ಇವರ ಹಾಡುಗಳನ್ನು ಕೇಳಿ ತುಂಬಾ ಸಂತೃಪ್ತಿಯನ್ನು ವ್ಯಕ್ತಪಡಿಸಿದರು.
ಸಂಗೀತ ಕಾರ್ಯಕ್ರಮದ ಅಂತಿಮ ಭಾಗದಲ್ಲಿ ಪಂಡಿತ್ ನಾಗಭೂಷಣ್ ಹೆಗಡೆ ಅವರು ಭಾಗ್ಯಶ್ರೀ ರಾಗ ಮತ್ತು ಭಾವಗೀತೆಗಳನ್ನು ಹಾಡಿ ಪ್ರೇಕ್ಷಕರ ಮನ ಗೆದ್ದರು. ಅವರ ಗಾಯನವು ಶ್ರೋತೃಗಳ ಮನಸ್ಸಿನಲ್ಲಿ ಇಚ್ಛಿತ ಸಂಗೀತಾನುಭವವನ್ನು ನೀಡಿದಂತಾಯಿತು. ಹೀಗೊಂದು ಸಂಗೀತ ಕಾರ್ಯಕ್ರಮಕ್ಕೆ ತಬಲಾ ವಾದನವನ್ನು ಶಂಕರ್ ಹೆಗಡೆ, ರಾಮದಾಸ್ ಭಟ್, ಮತ್ತು ಕುಮಾರ್ ಶ್ರೀಶಾ ವೈದ್ಯ ಸರಿಯಾಗಿ ಸಾಥ್ ನೀಡಿದರು. ಸಂವಾದನಿಯಲ್ಲಿ ಕುಮಾರಿ ಅಂಜನಾ ಹೆಗಡೆ ಮತ್ತು ಸುದೇಶ್ ಭಟ್ ಇವರ ಸಹಕರಿಸಿದರು.
ಈ ಕಾರ್ಯಕ್ರಮದಲ್ಲಿ ಆರ್.ಪಿ. ಅಸುಂಡಿಯವರ ಪುತ್ರ ಮತ್ತು ಸೊಸೆಯನ್ನು ಸನ್ಮಾನಿಸಲಾಯಿತು.
ಈ ಕಾರ್ಯಕ್ರಮವನ್ನು ಮನಸ್ವಿನಿ ವಿದ್ಯಾಲಯದ ಅಧ್ಯಕ್ಷೆ ರೇಖಾ ಹೆಗಡೆ ನಿರ್ದೇಶನದಲ್ಲಿ, ಶ್ರೀ ಮಹಾಗಣಪತಿ ಸಂಗೀತ ಪ್ರತಿಷ್ಠಾನ ಕೋಟೆಮನೆ ಮತ್ತು ಉಮ್ಮಚಗಿಯ ಮನಸ್ಸಿನೀ ವಿದ್ಯಾನಿಲಯದ ಶಿಕ್ಷಕರು ವಿದ್ಯಾರ್ಥಿಗಳು ಹಾಗೂ ಪಾಲಕರ ಪಾಲ್ಗೊಳ್ಳುವಿಕೆಯಲ್ಲಿ ಯಶಸ್ವಿಯಾಗಿ ನಡೆಯಿತು.
ಯಲ್ಲಾಪುರ : ಏಳನೇ ವೇತನ ಆಯೋಗದ ಅನುಷ್ಠಾನದಲ್ಲಿ, 2022 ಜುಲೈ 1ರಿಂದ 2024 ಜುಲೈ 31ರ ಅವಧಿಯಲ್ಲಿ ನಿವೃತ್ತರಾದ ಯಲ್ಲಾಪುರ ತಾಲೂಕಿನ ಎಲ್ಲಾ ಅಧಿಕಾರಿಗಳು ಮತ್ತು ನೌಕರರು ತಮಗೆ ನಿವೃತ್ತಿ ಸೌಲಭ್ಯಗಳನ್ನು ಪರಿಷ್ಕೃತ ವೇತನ ಶ್ರೇಣಿಯಲ್ಲಿ ಒದಗಿಸುವಂತೆ ಸರ್ಕಾರಕ್ಕೆ ಮನವಿ ಮಾಡಿದ್ದಾರೆ.
ಮಂಗಳವಾರ ತಹಶೀಲ್ದಾರರ ಮೂಲಕ ಮುಖ್ಯಮಂತ್ರಿಗೆ ಮನವಿ ರವಾನಿಸಿದರು. ನಿವೃತ್ತರಾದ ನೌಕರರ ಪ್ರಸ್ತುತ ಸೇವೆಯಲ್ಲಿ ಇದ್ದ ನೌಕರರಿಗೆ 7ನೇ ವೇತನ ಆಯೋಗದ ಶಿಫಾರಸ್ಸಿನಂತೆ ಪರಿಷ್ಕೃತ ವೇತನ ಶ್ರೇಣಿಯಲ್ಲಿ ನಿವೃತ್ತಿ ಆರ್ಥಿಕ ಸೌಲಭ್ಯ ಲಭ್ಯವಿದೆ. ಆದರೆ 2022 ರಿಂದ 2024ರ ಅವಧಿಯಲ್ಲಿ ನಿವೃತ್ತರಾದ ಅಥವಾ ಸೇವೆಯಲ್ಲಿರುವಾಗಲೇ ನಿಧನ ಹೊಂದಿದ ನೌಕರರಿಗೆ ಈ ಸೌಲಭ್ಯವಿಲ್ಲ. ನಿವೃತ್ತ ನೌಕರರು ತಮ್ಮ ಮನವಿಯಲ್ಲಿ, 2022 ಜುಲೈ 1ರಿಂದಲೇ ಅವರ ನಿವೃತ್ತಿ ವೇತನ ಪರಿಷ್ಕೃತ ವೇತನ ಶ್ರೇಣಿಯಲ್ಲಿಯೇ ಲೆಕ್ಕಹಾಕಿ, ಸೇವಾ ಅವಧಿಯ ಅಂತಿಮ ಲೆಕ್ಕಾಚಾರ ಮಾಡಬೇಕೆಂದು ತಿಳಿಸಿದ್ದಾರೆ. ಹಾಗೆಯೇ, ಆರ್ಥಿಕ ನಷ್ಟವನ್ನು ಪರಿಗಣಿಸಿ, ಅವರು ಸಂಬಾಳಿಸಿದ್ದ ಹಣದ ವ್ಯತ್ಯಾಸವನ್ನು(ಅರಿಯರ್ಸ್) ಕೇಳದೇ, ಈ ಶ್ರೇಣಿಗಳ ಲೆಕ್ಕಾಚಾರವೇ ಸರಿ ಮಾಡಲು ಸರ್ಕಾರದ ಸಹಾಯಕ್ಕಾಗಿ ಕೋರಿದ್ದಾರೆ.
ನಿವೃತ್ತ ನೌೌಕರರ ಸಂಘದ ತಾಲೂಕಾ ಸಂಚಾಲಕ ಎಂ ಬಿ ಶೇಟ್, ಅಧ್ಯಕ್ಷ ಎಸ್. ಎಲ್ .ಜಾಲಿಸತ್ಗಿ, ಕಾರ್ಯದರ್ಶಿ ಗೋಪಾಲ ನೇತ್ರೆಕರ, ಸುನಂದಾ ಪಾಠಣಕರ, ನಿವೃತ್ತ ಶಿಕ್ಷಕರಾದ ಬಾಬು ಸ್ವಾಮಿ, ಚಂದ್ರಕಾಂತ ಹನುಮರೆಡ್ಡಿ, ಶಿವಾನಂದ ನಾಯಕ, ಜಗದೀಶಚಂದ್ರ ನಾಯ್ಕರ, ಅಶೋಕ ಬಂಟ್, ರಾಮಕೃಷ್ಣ ದೇಶಭಂಡಾರಿ, ಸುನಂದಾ ಜಿ ಭಟ್, ಮಹಾದೇವಿ ಭಟ್, ನಳಿನಿ ಹೆಗಡೆ, ಸಂತೋಷ ಶೇಟ್, ಎಸ್ ಟಿ ಭಟ್ ಮಂತಾದವರು ಇದ್ದರು.
ಯಲ್ಲಾಪುರ: ತಾಲೂಕಿನ ಅರಬೈಲ್ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಮಂಗಳವಾರ ಪೋಷಣ ಅಭಿಯಾನ ಕಾರ್ಯಕ್ರಮವನ್ನು ವಿಜೃಂಭಣೆಯಿಂದ ಹಮ್ಮಿಕೊಳ್ಳಲಾಯಿತು. ಈ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಎಸ್.ಡಿ.ಎಂ.ಸಿ ಉಪಾಧ್ಯಕ್ಷ ಗುರುರಾಜ ಆಚಾರಿ ವಹಿಸಿದ್ದರು.
ಶಿಕ್ಷಕ ಮಹೇಶ ಭಟ್ ಪೋಷಕಾಂಶಗಳ ಮಹತ್ವದ ಕುರಿತು ಮಾತನಾಡಿ, "ನಮ್ಮ ದೇಹಕ್ಕೆ ಪೋಷಕಾಂಶಗಳು ಎಷ್ಟು ಅಗತ್ಯವಿರುವವು ಎಂಬುದನ್ನು ಅರಿತುಕೊಳ್ಳಬೇಕು. ಪ್ರತಿ ದಿನದ ಆಹಾರದಲ್ಲಿ ಪೋಷಕಾಂಶಗಳನ್ನು ಸಮರ್ಪಕವಾಗಿ ಸೇರಿಸುವ ಮೂಲಕ ನಾವು ಆರೋಗ್ಯವನ್ನು ಸುಧಾರಿಸಬಹುದು," ಎಂದು ತಿಳಿಸಿದರು. ಅವರು ಪೋಷಕಾಂಶಗಳ ಮಹತ್ವದ ಕುರಿತು ವಿವರಿಸಿದರು.
ಮುಖ್ಯಾಧ್ಯಾಪಕಿ ಶಿವಲೀಲಾ ಹುಣಸಗಿ, ಮಕ್ಕಳ ಬೆಳವಣಿಗೆಗೆ ತರಕಾರಿ, ಸೊಪ್ಪು, ಬಿಸಿಯೂಟ, ಕ್ಷೀರಭಾಗ್ಯ ಮತ್ತು ಇತರ ಪೋಷಕ ಆಹಾರಗಳ ಪ್ರಭಾವದ ಕುರಿತು ಮಾತನಾಡಿ, "ಮಕ್ಕಳು ಇಂದಿನಿಂದ ತರಕಾರಿ ತಟ್ಟೆಯಿಂದ ತೆಗೆಯದೆ ತಿನ್ನಬೇಕು ಎಂಬ ಪ್ರತಿಜ್ಞೆಯನ್ನು ಕೈಗೊಳ್ಳಬೇಕು" ಎಂದು ಹೇಳಿದರು. 
ಯಲ್ಲಾಪುರ: ಉತ್ತರ ಕನ್ನಡ ಜಿಲ್ಲೆಯ ಜೊಯಿಡಾ ತಾಲೂಕಿನ ಗುಂದದ ತಿಮ್ಮಣ್ಣ ದಬಗಾರ್ ಅವರ ತೋಟದಲ್ಲಿ ಅಚ್ಚರಿಯ ಘಟನೆ ಸಂಭವಿಸಿದೆ. ಪ್ರಾಕೃತಿಕ ವಿಸ್ಮಯದಂತೆ, ಒಂದು ತೆಂಗಿನಕಾಯಿಗೆ ನಾಲ್ಕು ಕಣ್ಣುಗಳು ಕಂಡುಬಂದಿವೆ. ಇದು ವಿರಳವಾಗಿದ್ದು, ಸಾಮಾನ್ಯವಾಗಿ ತೆಂಗಿನಕಾಯಿಗೆ ಮೂರು ಕಣ್ಣುಗಳು ಮಾತ್ರ ಇರುತ್ತವೆ. ಆದರೆ ಈ ಸಂದರ್ಭದಲ್ಲಿ, ಏಕಕಾಲದಲ್ಲಿ ನಾಲ್ಕು ಕಣ್ಣುಗಳನ್ನು ಹೊಂದಿರುವ ತೆಂಗಿನಕಾಯಿ ಬೆಳೆಯುವುದನ್ನು ಮೊದಲ ಬಾರಿ ಕಂಡಿರುವುದು ಕುತೂಹಲದ ವಿಷಯವಾಗಿದೆ.
ಕಳೆದ ವರ್ಷ ಯಲ್ಲಾಪುರದ ಕಳಚೆ ಗ್ರಾಮದಲ್ಲಿ ತೋಟದಲ್ಲಿ, ಒಂದೇ ಮೊಗ್ಗಿಗೆ ಎರಡು ಹೂವುಗಳು, ಹಾಗೂ ಎರಡು ಕಣ್ಣಿನ ತೆಂಗಿನಕಾಯಿ ಕೂಡ ಕಾಣಿಸಿಕೊಂಡಿದ್ದವು. ಇದೀಗ ಮತ್ತೊಂದು ಅಚ್ಚರಿ ಮೂಡಿಸಿರುವ ಈ ಘಟನೆ ಪಕ್ಕದ ಜೊಯಿಡಾ ಗುಂದದ ತೋಟದ ಮಾಲಕರನ್ನು ಹಾಗೂ ಇಡೀ ಗ್ರಾಮಸ್ಥರನ್ನು ಆಕರ್ಷಿಸಿದೆ. 
ಯಲ್ಲಾಪುರ : ಪಟ್ಟಣದ ಲಕ್ಷ್ಮೀನಾರಾಯಣ ವೆಂಕಟ್ರಮಣ ಮಠದಲ್ಲಿ ಮಂಗಳವಾರ ಅನಂತನೌಪಿ ಅಥವಾ ಅನಂತಮೂರ್ತಿ ವ್ರತವನ್ನು ಪ್ರತಿ ವರ್ಷದಂತೆ ಗೌಡ ಸಾರಸ್ವತ ಬ್ರಹ್ಮನ ಸಮಾಜದವರು ಇತರೆ ಸಮಾಜದವರೊಂದಿಗೆ ಸೇರಿಕೊಂಡು ವಿಜೃಂಭಣೆಯಿಂದ ಆಚರಿಸಿದರು. 
ಅನಂತನೋಪಿ ವ್ರತವು ಹಿಂದೂ ಧರ್ಮದ ಪುರಾಣಗಳಲ್ಲಿ ಪ್ರಮುಖ ಸ್ಥಾನವನ್ನು ಪಡೆದಿದೆ. ಹಿಂದೂ ದೇವಾಲಯಗಳಲ್ಲಿ ವಿಶೇಷವಾಗಿ ಶ್ರೀ ವಿಷ್ಣು ದೇವನ ಆರಾಧನೆಗೆ ಈ ವ್ರತವನ್ನು ಆಚರಿಸಲಾಗುತ್ತದೆ. 'ಅನಂತ' ಎಂಬ ಶಬ್ದವು 'ಅಸೀಮ' ಅಥವಾ 'ಅಪಾರ' ಎಂದು ಅರ್ಥೈಸಬಹುದು, ಇದು ವಿಷ್ಣುವಿನ ಸಾಂಶೋಧಕ ಸ್ವರೂಪಕ್ಕೆ ಸೂಚನೆ. ಆಕಾಶ, ಭೂಮಿ, ಕಾಲ ಇವುಗಳ ಮಿತಿಯನ್ನು ಮೀರಿ, ಬುದ್ದಿಗೆ ಅತೀತನಾದ ಪ್ರಭುವಿಗೆ ಸಲ್ಲಿಸುವ ಪೂಜೆ ಇದಾಗಿದೆ.
ವೃತ ಅಥವಾ ಪೂಜೆಯನ್ನು ಪ್ರತಿ ವರ್ಷವೂ ಭಾದ್ರಪದ ಮಾಸದ ಶುಕ್ಲಪಕ್ಷದ ಚತುರ್ದಶಿಯಂದು (ಅನಂತ ಚತುರ್ದಶಿ) ಆಚರಿಸಲಾಗುತ್ತದೆ. ಇದನ್ನು ವೈಷ್ಣವ ಸಂಪ್ರದಾಯದಲ್ಲಿ ಶ್ರೀಹರಿಯ ಅನಂತ ಶಕ್ತಿ ಮತ್ತು ಸದಾ ವಿಸ್ತಾರವಾಗಿರುವ ಸಹನೆ, ಸಹನಶೀಲತೆ ಹಾಗೂ ಕೃಪೆಗಾಗಿ ನಡೆಸಲಾಗುತ್ತದೆ. 
ಇಂತಹ ಪವಿತ್ರ ವ್ರತವನ್ನು ಆಚರಿಸುವುದರಿಂದ ಭಕ್ತರಿಗೆ ಆಧ್ಯಾತ್ಮಿಕ ಶ್ರೇಯಸ್ಸು ದೊರಕುವುದು ಎಂಬ ನಂಬಿಕೆ ಇದೆ. ಅನಂತನೋಪಿ ವ್ರತವು ದೇವರಲ್ಲಿರುವ ಸಂಪೂರ್ಣ ಶ್ರದ್ಧೆ, ಪಾಪ ಪತಿಹಾರ, ಭಕ್ತಿ, ಮತ್ತು ಶಾಂತಿಯ ಸಂಕೇತವಾಗಿದೆ. ಕಷ್ಟಗಳು, ಸಂಕಟಗಳು ಮತ್ತು ದುಃಖಗಳು ದೂರವಾಗುತ್ತದೆ ಎಂದು ನಂಬಿಕೆ ಹೊಂದಲಾಗಿದೆ. 
ಯಲ್ಲಾಪುರ: ತಾಲೂಕಿನ ಕ್ರೀಡಾಂಗಣ, ಕಾಳಮ್ಮನಗರದಲ್ಲಿ ಸೆಪ್ಟೆಂಬರ್ 17 ರಂದು ಪ್ರಾಥಮಿಕ ಮತ್ತು ಪ್ರೌಢಶಾಲಾ ವಿದ್ಯಾರ್ಥಿಗಳ 14 ಮತ್ತು 17 ವರ್ಷ ವಯೋಮಿತಿಯೊಳಗಿನ ತಾಲೂಕು ಮಟ್ಟದ ಇಲಾಖಾ ಕ್ರೀಡಾಕೂಟದ ಉದ್ಘಾಟನಾ ಕಾರ್ಯಕ್ರಮವು ವಿಜೃಂಭಣೆಯಿಂದ ನೆರವೇರಿತು. 
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಪಟ್ಟಣ ಪಂಚಾಯತಿ ಅಧ್ಯಕ್ಷೆ ನರ್ಮದಾ ರವಿ ನಾಯ್ಕ ವಹಿಸಿದ್ದರು. ದೈಹಿಕ ಶಿಕ್ಷಣ ಪರಿವೀಕ್ಷಕರಾದ ಪ್ರಕಾಶ ತಾರೀಕೊಪ್ಪ, ಕ್ರೀಡಾಕೂಟದ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು, ಶುಭಾಶಯಗಳನ್ನು ತಿಳಿಸಿದರು. 
ಯಲ್ಲಾಪುರ: ಚಂದಗುಳಿ ಗ್ರಾಮದ ಶ್ರೀ ಸಿದ್ಧಿವಿನಾಯಕ ವಿವಿಧೋದ್ದೇಶಗಳ ಪ್ರಾಥಮಿಕ ಗ್ರಾಮೀಣ ಪತ್ತಿನ ಸಹಕಾರಿ ಸಂಘ ನಿಯಮಿತದ ವಾರ್ಷಿಕ ಸರ್ವಸದಸ್ಯ ಸಭೆ ಮಂಗಳವಾರ ನಡೆಯಿತು. ಶಾಸಕರಾದ ಶಿವರಾಮ ಹೆಬ್ಬಾರ್ ಅವರು ದೀಪ ಬೆಳಗಿಸುವ ಮೂಲಕ ಸಭೆಯನ್ನು ಉದ್ಘಾಟಿಸಿ, ಸದಸ್ಯರನ್ನು ಉದ್ದೇಶಿಸಿ ಮಾತನಾಡಿದರು.
ಈ ಸಂದರ್ಭದಲ್ಲಿ ಸಂಘದ ಅಧ್ಯಕ್ಷರಾದ ಎಸ್.ಕೆ ಭಾಗ್ವತ್, ಉಪಾಧ್ಯಕ್ಷರಾದ ರಾಮಾ ಭಾಗ್ವತ್, ಗ್ರಾಮ ಪಂಚಾಯತ ಅಧ್ಯಕ್ಷರಾದ ಶಿಲ್ಪಾ ನಾಯ್ಕ, ಹಾಗೂ ಸ್ಥಳೀಯ ಮುಖಂಡರಾದ ಆರ್.ಎಸ್. ಭಟ್ ಉಪಸ್ಥಿತರಿದ್ದರು. ಸಹಕಾರಿ ಸಂಘದ ನಿರ್ದೇಶಕರು, ಸದಸ್ಯರು ಮತ್ತು ಗ್ರಾಹಕರು ಕೂಡ ಸಭೆಯಲ್ಲಿ ಪಾಲ್ಗೊಂಡಿದ್ದರು.
ಯಲ್ಲಾಪುರ: ವಿಶ್ವ ಹಿಂದು ಪರಿಷದ್ (ವಿ.ಹಿಂ.ಪ.) ಯಲ್ಲಾಪುರ ಘಟಕವು ಹುಬ್ಬಳ್ಳಿ ರಸ್ತೆಯ ಹಿಂದೂ ರುದ್ರಭೂಮಿಯ ಸ್ವಚ್ಛತೆಗೆ ಒಂದು ಮಹತ್ವದ ಕಾರ್ಯಕ್ಕೆ ಜರೆ ನೀಡಿದೆ. 
ಈ ಹಿಂದೆ, ಹಿಂದೂ ರುದ್ರಭೂಮಿಯಲ್ಲಿ ಸ್ವಚ್ಛತೆ ಮತ್ತು ನಿರ್ವಹಣೆ ವಿಷಯವಾಗಿ ಕೆಲವು ಸಮಸ್ಯೆಗಳು ಉಲೇಖಿಸಲಾಗಿದ್ದವು. ಇದನ್ನು ಸಮರ್ಥವಾಗಿ ಪರಿಹರಿಸಲು, ಯಲ್ಲಾಪುರ ಪಟ್ಟಣ ಪಂಚಾಯತಕ್ಕೆ ವಿ.ಹಿಂ.ಪ. ವತಿಯಿಂದ ಮನವಿ ಸಲ್ಲಿಸಲಾಗಿತ್ತು. ಈ ಮನವಿಯಲ್ಲಿ ಮೂಲಭೂತ ಸೌಕರ್ಯಗಳನ್ನು ಕಲ್ಪಿಸುವಂತೆ ಪ್ರಸ್ತಾವನೆ ಇಟ್ಟಿದ್ದರು.
ಈಗ, ಈ ರುದ್ರಭೂಮಿಯ ಸ್ವಚ್ಛತೆಯ ಜೊತೆಗೆ, ಅದರ ಪರಿಸರ ಸುಧಾರಣೆಗೆ ವಿಶೇಷ ದೃಷ್ಟಿ ಹರಿಸಲಾಗುತ್ತಿದೆ. ವಿ.ಹಿಂ.ಪ.ಯ ಯುವ ಸದಸ್ಯರು ಮತ್ತು ಹಿರಿಯ ಮುಖಂಡರು ಈ ಕಾರ್ಯಕ್ಕೆ ಮುಂಚೂಣಿಯಾಗಿದ್ದು, ಪ್ರತಿ ಹಿಂದೂ ಬಾಂಧವರೂ ಈ ಸೇವಾ ಕಾರ್ಯದಲ್ಲಿ ಕೈಜೋಡಿಸಲು ಸಲಹೆ ನೀಡಿದ್ದಾರೆ. 
ಯಲ್ಲಾಪುರ : ತಾಲೂಕಿನ ಕಿರವತ್ತಿಯಲ್ಲಿ ಮುಸ್ಲಿಂ ಬಾಂಧವರು ಸೋಮವಾರ ಈದ್ ಮಿಲಾದ್ ಹಬ್ಬವನ್ನು ಅದ್ಧೂರಿಯಾಗಿ ಆಚರಿಸಿದರು. ಈ ಹಬ್ಬವು ಪ್ರವಾದಿ ಮಹಮ್ಮದ್ ಪೈಗಂಬರ ಅವರ ಜನ್ಮದಿನದ ನಿಮಿತ್ತ ಹಮ್ಮಿಕೊಳ್ಳಲಾಗಿದ್ದು, ಪ್ರಥಮವಾಗಿ ಕಿರವತ್ತಿಯ ಸುನ್ನತ್ ಜಮಾತ್‍ದವರು ಮಸೀದಿಯಿಂದ ಮೆರವಣಿಗೆ ಪ್ರಾರಂಭಿಸಿದರು. 
ಮೆರವಣಿಗೆಯಲ್ಲಿ ಮುಸ್ಲಿಂ ಸಮಾಜದವರು ಭಾವೈಕ್ಯತೆ, ಸಾಮರಸ್ಯ ಮತ್ತು ಶಾಂತಿಯನ್ನು ಸಾರುವ ಘೋಷಣೆಗಳನ್ನು ಹೇಳಿದರು, ಪ್ರವಾದಿ ಮಹಮ್ಮದ್ ಪೈಗಂಬರ ಅವರ ಮೌಲ್ಯಗಳನ್ನು ಕೊಂಡಾಡಿದರು. ಈ ಸಂದರ್ಭದಲ್ಲಿ, ಪೈಗಂಬರನ ಬಾಳ ಚರಿತ್ರೆಯನ್ನು ಸಾರುವ ಹಾಡುಗಳ ಮೂಲಕ ಜನರಲ್ಲಿ ಶಾಂತಿ, ಸಹಾನುಭೂತಿ, ಸೌಹಾರ್ದತೆಯನ್ನು ಹೆಚ್ಚಿಸುವ ಪ್ರಯತ್ನ, ಹಾಗೂ ಪೈಗಂಬರರ ತತ್ವಗಳನ್ನು ಸಾರಲಾಯಿತು. 
ಮೆರವಣಿಗೆಯು ಶಾಂತಿಪೂರ್ಣವಾಗಿ ಸಾಗಿದಂತಾಗಿದ್ದು, ಸಾರ್ವಜನಿಕರು ಸಹ ಈ ಹಬ್ಬದ ಭಾವನೆಯನ್ನು ಒಪ್ಪಿಕೊಂಡರು. ಸ್ಥಳೀಯ ಪೊಲೀಸರು ಹಾಗೂ ವಲಯದ ಪ್ರಾಧಿಕಾರಗಳು ಸುರಕ್ಷತೆಗಾಗಿ ತಕ್ಕ ರೀತಿಯಲ್ಲಿ ಕ್ರಮ ಕೈಗೊಂಡು, ಸಮಾರಂಭವು ಯಾವುದೇ ಅಹಿತಕರ ಘಟನೆಗಳಿಲ್ಲದೆ ಶಾಂತಿಯಾಗಿ ಮುಗಿಯುವಂತೆ ನೋಡಿಕೊಂಡಿದ್ದರು. 
ಯಲ್ಲಾಪುರ : 'ವಿಶ್ವ ಹಿಂದೂ ಪರಿಷತ್ ನ ಚಟುವಟಿಕೆಗಳು ಹಿಂದೂ ಸಮಾಜವನ್ನು ಒಗ್ಗೂಡಿಸುವ ಕಾರ್ಯವನ್ನು ಮಾಡುತ್ತದೆ' ಎಂದು ವಿಶ್ವ ಹಿಂದೂ ಪರಿಷತ್ ರಾಜ್ಯ ಉಪಾಧ್ಯಕ್ಷ ಗಂಗಾಧರ ಹೆಗಡೆ ಹೇಳಿದರು. 
ಜಿಲ್ಲಾ ಉಪಾಧ್ಯಕ್ಷ ನಾರಾಯಣ ನಾಯಕ ಮಾತನಾಡಿ, ಹಿಂದೂ ಸಂಪ್ರದಾಯದ ಹಬ್ಬಗಳನ್ನು ಪ್ರತಿಮನೆಗಳಲ್ಲಿ ಆಚರಿಸಬೇಕು. ಕೃಷ್ಣಾಷ್ಟಮಿಯಂದು ಮಕ್ಕಳನ್ನು ಅಲಂಕರಿಸುವಲ್ಲಿ ಸಂಭ್ರಮಿಸುವ ಪಾಲಕರು ಕೃಷ್ಣನ ಆದರ್ಶಗಳ ಬಗ್ಗೆ ತಿಳಿಸುವ ಕಾರ್ಯಮಾಡುತ್ತಿಲ್ಲ ಇದು ಬೇಸರದ ಸಂಗತಿ ಎಂದರು. 
ಯಲ್ಲಾಪುರ : ಯಲ್ಲಾಪುರ-ಮುಂಡಗೋಡ ರಸ್ತೆಯ ಲಿಂಗನಕೊಪ್ಪ ಶಾಲೆಯ ಸಮೀಪ ಮುಂಡಗೋಡ ಕಡೆಗೆ ತೋರಿಸುವ ಸರಿಯಾದ ಸೂಚನಾ ಫಲಕದ ಇಲ್ಲದೇ ವಾಹನ ಸವಾರರು ಗೊಂದಲಕ್ಕೆ ಒಳಗಾಗುತ್ತಿದ್ದಾರೆ. ಹೊಸದಾಗಿ ನಿರ್ಮಿತಗೊಂಡಿರುವ ಮಾವಳ್ಳಿ ರಸ್ತೆ ಪ್ರವಾಸಿಗರಿಗೆ ಹಾಗೂ ವಾಹನ ಸವಾರರಿಗೆ ಗೊಂದಲ ಉಂಟುಮಾಡುತ್ತಿದ್ದು, ಸಂಬಂಧಪಟ್ಟ ಇಲಾಖೆಗೆ ದೂರು ನೀಡಿದರೂ ಕೂಡ ಯಾವುದೇ ಕ್ರಮ ಕೈಗೊಂಡಿಲ್ಲ ಎಂದು ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.
ಲಿಂಗನಕೊಪ್ಪ ಶಾಲೆಯ ಮುಂಭಾಗ ಹಾಗೂ ಪಕ್ಕದಿಂದ ಮಾವಳ್ಳಿಗೆ ಹೊಸ ರಸ್ತೆಯನ್ನು ವಾಹನ ಸವಾರರು ವ್ಯಾಪಕವಾಗಿ ಬಳಸುತ್ತಿದ್ದಾರೆ. ಆದರೆ, ಇದರಲ್ಲಿ ಪ್ರಮುಖವಾಗಿ ಮುಂಡಗೋಡ ಹಾಗೂ ಮಾವಳ್ಳಿ ಕಡೆಗೆ ತೋರಿಸುವ ಸಮರ್ಪಕ ಸೂಚನಾ ಫಲಕಗಳ ಅಭಾವವು ವಾಹನ ಸವಾರರನ್ನು ಗೊಂದಲಕ್ಕೆ ದೂಡುತ್ತಿದೆ. ಬರುವ ವಾಹನಗಳು ಮುಂಡಗೋಡ ಕಡೆಗೆ ಹೋಗುವ ಬದಲು ಮಾವಳ್ಳಿ ಕಡೆ ಹೋಗಿ, ಹುಬ್ಬಳ್ಳಿ ಮಾರ್ಗವನ್ನು ತಲಪುತ್ತಿವೆ. ಇದರಿಂದಾಗಿ, ಹೊರ ಜಿಲ್ಲೆಯವರು ಹಾಗೂ ಅಂತರ ಜಿಲ್ಲೆಗಳಿಗೆ ತೆರಳುವ ವಾಹನ ಸವಾರರು ತಮ್ಮ ಉದ್ದೇಶಿತ ಸ್ಥಳ ತಲುಪದೆ, ಹೆದ್ದಾರಿ ಮಾರ್ಗದಲ್ಲಿ ಪರದಾಡುವ ಸ್ಥಿತಿಗೆ ತಲುಪಿದ್ದಾರೆ. 
ಹುಬ್ಬಳ್ಳಿ-ಕಲಘಟಗಿ ಮಾರ್ಗದಲ್ಲಿಯೂ ಸಹ ಮಾರ್ಗ ಸೂಚನಾ ಫಲಕಗಳ ಕೊರತೆಯು ವಾಹನ ಸವಾರರಿಗೆ ಸಮಸ್ಯೆ ಉಂಟುಮಾಡುತ್ತಿದೆ. ಈ ತಿರುವುಗಳಿಗೆ ಮಾರ್ಗ ಸೂಚನೆ ಬೋರ್ಡ್‌ಗಳನ್ನು ಅಳವಡಿಸದ ಕಾರಣ, ಕೆಲವು ಸವಾರರು ಮೊದಲ ಬಾರಿಗೆ ಈ ರಸ್ತೆಯನ್ನು ಬಳಸುವಾಗ ಗೊಂದಲಕ್ಕೆ ಒಳಗಾಗುತ್ತಿದ್ದಾರೆ. ಅಲ್ಲದೆ, ಕೆಲವು ವಾಹನ ಸವಾರರು ಗುರಿಯನ್ನು ತಪ್ಪಿಸಿ, ಬೇರೆ ಹಳ್ಳಿಗಳತ್ತ ತಲುಪುತ್ತಿದ್ದಾರೆ.
ಇಲಾಖೆಯ ನಿರ್ಲಕ್ಷ್ಯತೆ ಅಸಮಾದಾನ ವ್ಯಕ್ತಪಡಿಸಿರುವ ಸ್ಥಳೀಯರು, ಸಂಬಂಧಿಸಿದ ಇಲಾಖೆಗಳು ಎಮ್ಮೆ ಖರೀದಿಸಿದ ಮೇಲೆ, ಎಮ್ಮೆ ಕಟ್ಟಲು ಹಗ್ಗ ಖರೀದಿಸಲು ಕಂಜೂಸುತನ ತೋರಿಸುವಂತೆ ಕಂಡುಬರುತ್ತಿದೆ ಎಂದು ಸ್ಥಳೀಯರು ತೀಕ್ಷ್ಣವಾಗಿ ಟೀಕಿಸಿದ್ದಾರೆ.
ಯಲ್ಲಾಪುರ : ಪಟ್ಟಣದ ಹೋಲಿ ರೋಜರಿ ಪ್ರೌಢಶಾಲೆಯಲ್ಲಿ ಸೆಪ್ಟೆಂಬರ್ 14ರಂದು ನಡೆದ ವಿಜ್ಞಾನ ನಾಟಕ ಸ್ಪರ್ಧೆಯಲ್ಲಿ ಮಂಚಿಕೇರಿಯ ಶ್ರೀ ರಾಜರಾಜೇಶ್ವರಿ ಪ್ರೌಢಶಾಲೆ ಹಾಗೂ ಸರ್ವೋದಯ ಪ್ರೌಢಶಾಲೆ ವಜ್ರಳ್ಳಿ, ಮಕ್ಕಳ ವಿಜ್ಞಾನ ನಾಟಕ ಜಿಲ್ಲಾ ಮಟ್ಟಕ್ಕೆ ಆಯ್ಕೆಯಾಗಿದೆ. 
ಮಕ್ಕಳನ್ನು ಸಿದ್ಧಗೊಳಿಸಿ, ಪ್ರೀತಿಯಿಂದ ತಾಯ್ನಾಡಿನ ಶಾಲೆಗೆ ಕಳುಹಿಸಿದ ತಾಯಿಯು, ಸ್ವಲ್ಪ ಸಮಯದಲ್ಲೇ ಗುಡುಗು ಸಿಡಿಲು ಆರ್ಭಟ ಮಳೆ ಯಿಂದಾಗಿ ದಿಗ್ಬ್ರಾಂತಗೊಳ್ಳುತ್ತಾಳೆ. ಶಾಲೆಗೆ ಹೋದ ಮಕ್ಕಳ ಬಗ್ಗೆ ಏನಾಯಿತೆಂಬ ಕಳವಳವನ್ನು ವ್ಯಕ್ತಪಡಿಸುತ್ತಿರುತ್ತಾಳೆ. ಮಳೆಯ ಆರ್ಭಟಕ್ಕೆ ತಾಯ್ನಾಡಿನ ನದಿಯ ಪಕ್ಕದಲ್ಲಿರುವ ಗುಡ್ಡ ಕುಸಿದು, ನದಿಯು ತನ್ನ ದಿಕ್ಕನ್ನೇ ಬದಲಿಸಿ, ತಾಯ್ನಾಡಿನ ಹಲವಾರು ಮನೆಗಳು, ರಸ್ತೆಗಳು, ಶಾಲೆಗಳು, ನೀರಿಗೆ ಆಹುತಿಯಾಗುತ್ತಿರುವುದನ್ನ ತಿಳಿದು, ಎಚ್ಚೆತ್ತುಗೊಂಡ ಸರಕಾರ ಡ್ರೋನ್ ಗಳನ್ನು ಬಳಸಿ ಅಲ್ಲಿಯ ಸ್ಥಿತಿಗಳನ್ನು ತಿಳಿದುಕೊಳ್ಳುತ್ತದೆ, ಹೆಲಿಕ್ಯಾಪ್ಟರ್ ಮುಖಾಂತರ ಅಲ್ಲಿಯ ಜನರನ್ನ ಹಾಗೂ ಶಾಲಾ ವಿದ್ಯಾರ್ಥಿಗಳನ್ನು ರಕ್ಷಿಸಿದ ಘಟನೆಯ ಕುರಿತು, ದೂರದರ್ಶನದಲ್ಲಿ ಪ್ರಸಾರವಾದ ವಾರ್ತೆಯನ್ನ ನೋಡಿದ ತಾಯಿ ಸಮಾಧಾನ ಪಟ್ಟುಕೊಳ್ಳುತ್ತಾಳೆ. ಮಕ್ಕಳಿಬ್ಬರು ಹೆಲಿಕ್ಯಾಪ್ಟರ್ ನಿಂದ ಬಂದ ವಿಷಯವನ್ನು ತಿಳಿದು ತಂತ್ರಜ್ಞಾನ ಮಕ್ಕಳನ್ನು ರಕ್ಷಿಸಿದ ಬಗ್ಗೆ ಸಂತಸ ವ್ಯಕ್ತಪಡಿಸುತ್ತಾಳೆ.
ಹಾಗೇನೇ, ಜಗತ್ತಿನ ಯಾವುದೋ ಒಂದು ಅರಣ್ಯದಲ್ಲಿ , ಮರದ ಕೊಂಬೆಗಳು ಒಂದಕ್ಕೊಂದು ತಿಕ್ಕಿ ಅದರಿಂದ ಅಗ್ನಿ ಉಂಟಾಗಿ ಅರಣ್ಯಕ್ಕೆ ಬೆಂಕಿ ಬಿದ್ದಿರುವುದನ್ನು ನಾವು ಕೇಳಿದ್ದೇವೆ, ನೋಡಿದ್ದೇವೆ, ಇದೇ ವಿಚಾರವಾಗಿ ಅರಣ್ಯ ಇಲಾಖೆಯವರು, ಸೆಟಲೈಟ್ ಮೂಲಕ ಜಿ ಪಿ ಎಸ್ ಮತ್ತು ಜಿ ಎಸ್ ಐ ಮುಖಾಂತರ ಬೆಂಕಿಯ ಅವಘಡಗಳನ್ನು ತಿಳಿದು, ಹೆಲಿಕ್ಯಾಪ್ಟರ್ ಮುಖಾಂತರ ನೀರನ್ನು ತೆಗೆದುಕೊಂಡು ಹೋಗಿ ಬೆಂಕಿಯನ್ನು ಆರಿಸುವ ವ್ಯವಸ್ಥೆಯನ್ನು, ನಾಟಕ ಮತ್ತು ದೃಶ್ಯಾವಳಿಗಳ ಮೂಲಕ, ಶ್ರೀ ರಾಜರಾಜೇಶ್ವರಿ ವಿದ್ಯಾರ್ಥಿಗಳು ತೋರಿಸಿಕೊಟ್ಟಿದ್ದಾರೆ . 
ಯಲ್ಲಾಪುರ : ತಾಲೂಕಿನ ಕಿರವತ್ತಿಯಲ್ಲಿ ಜಯಕರ್ನಾಟಕ ತಾಲೂಕಾ ಸಂಘಟನೆ ವತಿಯಿಂದ ಈದ್ ಮಿಲಾದ್ ಹಬ್ಬದ ಪ್ರಯುಕ್ತ ಹಬ್ಬದ ಮೆರವಣಿಗೆಯಲ್ಲಿ ಭಾಗವಹಿಸಿದ್ದ ಜನರಿಗೆ ತಾಲೂಕಾ ಅಧ್ಯಕ್ಷ ವಿಲ್ಸನ್ ಫರ್ನಾಂಡಿಸ್ ನೇತೃತ್ವದಲ್ಲಿ ಸಿಹಿ ಹಂಚಿ ಹಬ್ಬದ ಶುಭ ಹಾರೈಸಲಾಯಿತು. ಈ ವಿಶೇಷ ಕ್ಷಣದಲ್ಲಿ ಸಂಘಟನೆಯ ಕಾರ್ಯಕರ್ತರು ಸ್ಥಳೀಯ ಮುಸ್ಲಿಂ ಬಾಂಧವರಿಗೆ ತಮ್ಮ ಹಾರೈಸುವಿಕೆಗಳನ್ನು ವ್ಯಕ್ತಪಡಿಸಿದರು. 
ಕಾರ್ಯಕ್ರಮದಲ್ಲಿ ಸಂಘಟನೆಯ ಪ್ರಮುಖರು ಮತ್ತು ಗ್ರಾಮಸ್ಥರು ಸಕ್ರಿಯವಾಗಿ ಪಾಲ್ಗೊಂಡರು. ಜಯ ಕರ್ನಾಟಕ ಸಂಘಟನೆಯ ತಾಲೂಕಾ ಅಧ್ಯಕ್ಷ ವಿಲ್ಸನ್ ಫರ್ನಾಂಡಿಸ್ ಈ ಕಾರ್ಯಕ್ರಮಕ್ಕೆ ಮುಂಚೂಣಿಯಾಗಿದ್ದು, ಸಂಘಟನೆಯ ಕಾರ್ಯದರ್ಶಿ ಸುಭಾಷ ಮತ್ತು ಮತ್ತಿತರ ಪ್ರಮುಖರು ಈ ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು. 
ಇದಕ್ಕೆ ಪುಷ್ಠಿ ನೀಡಿದ ಸ್ಥಳೀಯ ಮುಖಂಡರಾದ ಸಲಿಂ, ಜಾಫರ್ ಒಂಟಿ, ಕೊಯಾ, ಪರಶುರಾಮ, ನರೇಂದ್ರ, ಅಲೆಕ್ಸ್ ಸಿದ್ದಿ, ಆದಂ ತಟ್ಟಿಗೇರಿ, ಬಸವರಾಜ ದೂಳಿಕೊಪ್ಪ ಇತರ ಗ್ರಾಮಸ್ಥರು ಹರ್ಷೋದ್ಗಾರದಿಂದ ಕಾರ್ಯಕ್ರಮದಲ್ಲಿ ಪಾಲ್ಗೊಂಡರು. ಹಬ್ಬದ ಸಿಹಿಯನ್ನು ಸಮರ್ಪಿಸುವ ಮೂಲಕ ಅವರು ತಮ್ಮ ಹಬ್ಬದ ಶುಭಾಶಯಗಳನ್ನು ಮುಸ್ಲಿಂ ಸಮುದಾಯಕ್ಕೆ ಹಾರೈಸಿದರು. 
ಯಲ್ಲಾಪುರ/ಸಿದ್ದಾಪುರ: ಕಸ್ತೂರಿರಂಗನ್ ವರದಿ ಆಧರಿಸಿ ಪಶ್ಚಿಮ ಘಟ್ಟದಲ್ಲಿ ಪರಿಸರ ಸೂಕ್ಷ್ಮ ವಲಯ ಪ್ರದೇಶದ ಕರಡು ಅಧೀಸೂಚನೆಗೆ ಆಕ್ಷೇಪಣೆ ಸಲ್ಲಿಸಲು ಕೇಂದ್ರ ಸರ್ಕಾರವು ರಾಜ್ಯ ಸರ್ಕಾರಕ್ಕೆ ಸೆ.30 ಕಾಲ ಮಾನದಂಡ ನಿಗದಿಗೊಳಿಸಿರುವ ಹಿನ್ನಲೆಯಲ್ಲಿ ಸೂಕ್ಷ್ಮ ಪ್ರದೇಶದ ಮತ್ತು ಸಚಿವ ಸಂಪುಟದ ವಿಶೇಷ ಸಭೆ ಸೆ.19ರಂದು ನಿಗದಿಗೊಳಿಸಿದ್ದು ಜನಪ್ರತಿನಿಧಿಗಳ ಅಭಿಪ್ರಾಯಕ್ಕೆ ಕೇಂದ್ರ ಸರ್ಕಾರ ಮಂಡನೆ ನೀಡುವದೇ ಎಂಬ ಆತಂಕ ಸೂಕ್ಷ್ಮ ಪ್ರದೇಶದ ಜನರಲ್ಲಿ ಆತಂಕ ಉಂಟಾಗಿದೆ ಎಂದು ಹೋರಾಟಗಾರ ರವೀಂದ್ರ ನಾಯ್ಕ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. 
ಅಲ್ಲದೇ, ವಿಧಾನ ಸಭೆ ಅಧಿವೇಶನದಲ್ಲಿಯೂ ತಿರಸ್ಕರಿಸಲು ಸರ್ವಾನು ಮತದಿಂದ ಪಕ್ಷತಿತವಾಗಿ ತೀರ್ಮಾನಿಸಿದಾಗಿಯೂ ಕೇಂದ್ರ ಸರ್ಕಾರ ವಿರೋಧಕ್ಕೆ ಮಾನ್ಯತೆ ನೀಡುವದೇ ಎಂಬ ಆತಂಕದಲ್ಲಿ ಸೂಕ್ಷ್ಮ ಪ್ರದೇಶದ ಜನರ ಚಿಂತೆಗೆ ಕಾರಣವಾಗಿದೆ ಎಂಬ ಅಭಿಪ್ರಾಯವನ್ನು ಅವರು ವ್ಯಕ್ತಪಡಿಸಿದರು. 
ಯಲ್ಲಾಪುರ : ಇಚ್ಛಾಶಕ್ತಿ ಒಂದಿದ್ದರೆ ಬಂಡೆಯಿಂದಲೂ ನೀರು ಬಸಿಯಬಹುದು, ಎನ್ನುವುದಕ್ಕೆ ಯಲ್ಲಾಪುರ ವಿಧಾನಸಭಾ ಕ್ಷೇತ್ರದ ಶಾಸಕ ಶಿವರಾಮ ಹೆಬ್ಬಾರರು ಒಂದು ಉದಾಹರಣೆಯಾಗಿದ್ದಾರೆ. ರಾಜ್ಯದ ಮುಖ್ಯಮಂತ್ರಿಗಳ ಮನವೊಲಿಸಿ, ಕ್ಷೇತ್ರದ ನಿರಾವರಿ ಹಾಗೂ ಕುಡಿಯುವ ನೀರಿನ ಯೋಜನೆಗಳಿಗೆ ಸುಮಾರು 500 ಕೋಟಿಗೂ ಹೆಚ್ಚಿನ ಅನುದಾನ ಮಂಜೂರಿ ಮಾಡಿಸಿಕೊಂಡು ಬಂದಿರುವುದು ಸಣ್ಣ ಸಂಗತಿಯೇನಲ್ಲ ಎಂದು ನಾಗರಿಕ ವೇದಿಕೆಯ ಅಧ್ಯಕ್ಷ ರಾಮು ನಾಯ್ಕ ಹೇಳಿದ್ದಾರೆ. 
ಜೊತೆಗೆ ಬರುವ 2-3 ವರ್ಷದ ಕಾಲಾವಧಿಯಲ್ಲಿ ಅವರಿಂದ ನಮ್ಮ ಕ್ಷೇತ್ರಕ್ಕೆ, ಜನರ ಕೈಗೆ ಉದ್ಯೋಗ ದೊರಕುವಂತಹ ಇನ್ನಷ್ಟು ಅಭಿವೃದ್ಧಿ ಯೋಜನೆಗಳೂ, ಅನುದಾನಗಳೂ ಹರಿದು ಬರಲೆಂದೂ ಆಶಿಸಿದ್ದಾರೆ. 
ಯಲ್ಲಾಪುರ : ಪಟ್ಟಣದಲ್ಲಿ ಹಾಗೂ ತಾಲೂಕಿನ ಪ್ರಮುಖ ಗ್ರಾಮೀಣ ಭಾಗದಲ್ಲಿ ಸೆ.16ರಂದು ಮುಸ್ಲಿಂ ಸಮಾಜದವರು ಪ್ರವಾದಿ ಮುಹಮ್ಮದ್ ಅವರ ಜನ್ಮದಿನವನ್ನು ಈದ್-ಎ-ಮಿಲಾದ್ ಹಬ್ಬದ ಮೂಲಕ ಒಬ್ಬರಿಗೊಬ್ಬರು ಶುಭಾಶಯ ಕೋರಿ ಮೆರವಣಿಗೆ ನಡೆಸಿ ಶ್ರದ್ಧಾ ಭಕ್ತಿಯಿಂದ ಆಚರಿಸಿದರು. 
ಮೆರವಣಿಗೆಯಲ್ಲಿ ವಿವಿಧ ಉರ್ದು ಶಾಲೆಯ ಮಕ್ಕಳು ಸೇರಿದಂತೆ ಎರಡು ಸಾವಿರಾರಕ್ಕೂ ಹೆಚ್ಚು ಜನ ಮುಸ್ಲಿಂ ಬಾಂಧವರು, ಅಬಾಲ ವೃದ್ಧರಾಗಿ ಭಾಗವಹಿಸಿದ್ದರು. ಮೆರವಣಿಗೆಯಲ್ಲಿ ಲೇಜಿಮ್ ನೃತ್ಯ, ಇತರೇ ನೃತ್ಯ ತಂಡಗಳು ಭಾಗವಹಿಸಿದ್ದವು. ಮೆರವಣಿಗೆಯಲ್ಲಿ ಪಾಲ್ಗೊಂಡವರಿಗೆ ಅಲ್ಲಲ್ಲಿ ತಂಪು ಪಾನೀಯ ವ್ಯವಸ್ಥೆಯನ್ನು ಮಾಡಲಾಗಿತ್ತು. 
ಸೋಮವಾರ ಬೆಳಿಗ್ಗೆಯಿಂದ ಮಧ್ಯಾಹ್ನದವರೆಗೆ ನಡೆದ ಈದ್ ಮಿಲಾದ್ ಮೆರವಣಿಗೆಯಲ್ಲಿ ಬೃಹತ್ ಡಿಜೆ ಬಳಸಿರಲಿಲ್ಲ. ಈ ಬಗ್ಗೆ ಮುಸ್ಲಿಂ ಸಮಾಜದ ಯುವ ಜನತೆಯಲ್ಲಿಯೇ ಬೇಸರಕ್ಕೆ ಕಾರಣವಾಗಿದೆ. ಈಗಾಗಲೆ ಪೊಲೀಸ್ ಠಾಣೆಗೆ ಲಿಖಿತ ಹೇಳಿಕೆ ನೀಡಿರುವ ನಾಲ್ಕು ಜಮಾತದ ಪ್ರಮುಖರು ನಾವು ಕಳೆದ ಮೂರು ವರ್ಷದಿಂದ ಡಿಜೆ(ಬೃಹತ್ ದ್ವನಿವರ್ಧಕ ) ಬಳಸಿಲ್ಲ. ಈಗಲೂ ಬಳಸುವುದಿಲ್ಲ. ಡಿಜೆ ಬದಲು ಮುಸ್ಲಿಂ ಸಾಂಪ್ರದಾಯಿಕ ಕಲೆಗಳನ್ನು ಸಾರುವ ಸಾಂಸ್ಕೃತಿಕ ಕಾರ್ಯಕ್ರಮಕ್ಕೆ ಉಡುಗೆ ತೊಡುಗೆಗಳಿಗೆ ಆದ್ಯತೆ ನೀಡುತ್ತೆವೆ ಎಂದು ತಿಳಿಸಿದ್ದಾರೆ ಎನ್ನಲಾಗಿದೆ. ಹೀಗಾಗಿ ಪೊಲೀಸರು ಡಿಜೆ ಬಳಕೆಗೆ ಪರವಾನಿಗೆ ನೀಡಿಲ್ಲ, ಇದರಿಂದಾಗಿ ಕೆಲವು ಯುವ ಜನತೆ ಅಸಮಾಧಾನಗೊಂಡು ಈದ್ ಮಿಲಾದ್ ಮೆರವಣಿಗೆಯಿಂದ ಹೊರಗೆ ಉಳಿದಿದ್ದಾರೆ ಎನ್ನಲಾಗಿದೆ.
ಪಟ್ಟಣದ ಹಲವಾರು ಪ್ರಮುಖ ಸಾರ್ವಜನಿಕ ಗಜಾನನೋತ್ಸವ ಸಮಿತಿಯ ಗಣೇಶ ಮೂರ್ತಿಗಳ ವಿಸರ್ಜನಾ ಮೆರವಣಿಗೆ ಇರುವುದರಿಂದ, ಮುಸ್ಲಿಂ ಬಾಂಧವರು ಮಧ್ಯಾಹ್ನದಿಂದ ಸಂಜೆಯವರೆಗೆ ನಡೆಯಬೇಕಾಗಿದ್ದ ಈದ್ ಮಿಲಾದ್ ಮೆರವಣಿಗೆಯನ್ನು ಬೆಳಿಗ್ಗೆಯಿಂದ ಮಧ್ಯಾಹ್ನದವರೆಗೆ ಪ್ರಮುಖ ಬೀದಿಗಳಲ್ಲಿ ಪ್ರಮುಖ ಭಾಗಗಳಲ್ಲಿ ನಡೆಸಿ ಪ್ರವಾದಿ ಮಹಮ್ಮದ್ ಪೈಗಂಬರ್ ಅವರ ಹುಟ್ಟುಹಬ್ಬವನ್ನು ಸಂಭ್ರಮಿಸಿದರು.
ಯಲ್ಲಾಪುರ: ಉತ್ತರ ಕನ್ನಡ ಜಿಲ್ಲೆ ಯಲ್ಲಾಪುರ ಪಟ್ಟಣದ ದೇವಿ ಮೈದಾನ ಗಜಾನನೋತ್ಸವ ಸಮಿತಿ ಭಾನುವಾರ ಮುಂಜಾನೆ ವಿಶೇಷ ಸಮಾರಂಭದಲ್ಲಿ ಉತ್ತರ ಕನ್ನಡ ಜಿಲ್ಲೆಯ ಹೆಚ್ಚುವರಿ ಎಸ್‌ಪಿ ಎಂ ಜಗದೀಶ ಅವರನ್ನು ಸನ್ಮಾನಿಸಿ ಗೌರವ ಸಲ್ಲಿಸಿತು. ಈ ಸಮಾರಂಭದಲ್ಲಿ ಎಂ ಜಗದೀಶ ಅವರ ಸಾಧನೆಗಳನ್ನು ಕೊಂಡಾಡಲಾಯಿತು ಮತ್ತು ಅವರು ತಮ್ಮ ಮೂಲ ಊರಾದ ಯಲ್ಲಾಪುರದ ಬಗ್ಗೆ ತಾಳಿರುವ ಪ್ರೀತಿಯ ಕುರಿತು ಶ್ಲಾಘಿಸಲಾಯಿತು. 
ಮಕ್ಕಳ ಛದ್ಮವೇಷ ಸ್ಪರ್ಧೆ ಮತ್ತು ಅಭಿನಯ ಗೀತೆ ಕಾರ್ಯಕ್ರಮವನ್ನು ವೀಕ್ಷಿಸಿದ ಅವರು, ಮಕ್ಕಳ ಪ್ರತಿಭೆಯನ್ನು ಮೆಚ್ಚಿಕೊಂಡು ಅವರನ್ನು ಶ್ಲಾಘಿಸಿದರು. "ಪ್ರತಿಯೊಬ್ಬ ವಿದ್ಯಾರ್ಥಿಯೂ ನಿರಂತರ ಪ್ರಯತ್ನ ಮಾಡುವುದರಿಂದ ಯಶಸ್ಸು ಕಾಣಲು ಸಾಧ್ಯ," ಎಂದ ಅವರು, ತಮಗೆ ಸನ್ಮಾನಿಸಿರುವುದಕ್ಕಾಗಿ ಗಜಾನನಿಒತ್ಸವ ಸಮಿತಿಗೆ ಕೃತಜ್ಞತೆ ಸಲ್ಲಿಸಿದರು. 
ಈ ಸಮಾರಂಭದಲ್ಲಿ ಗಜಾನನೋತ್ಸವ ಸಮಿತಿಯ ಅಧ್ಯಕ್ಷ ಗಣೇಶ ಪತ್ತಾರ, ಗೌರವಾಧ್ಯಕ್ಷ ನಾಗಾ ಪ್ರಭು, ಸಹಕಾರ್ಯದರ್ಶಿ ಮಾರುತಿ ನಾಯ್ಕ, ಮತ್ತು ಹಿರಿಯ ಸದಸ್ಯ ಸುರೇಶ್ ಮುರ್ಕುಂಬಿ ಸೇರಿದಂತೆ ಅನೇಕ ಪದಾಧಿಕಾರಿಗಳು ಉಪಸ್ಥಿತರಿದ್ದರು.
ಯಲ್ಲಾಪುರ : ನಮ್ಮ ಸನಾತನ ಸಂಸ್ಕಾರ ಹಾಗೂ ಮಹೋನ್ನತ ಸಂಸ್ಕೃತಿಯನ್ನು ಪ್ರತಿಬಿಂಬಿಸುವ ಶ್ರೀಕೃಷ್ಣಾರ್ಪಣಂ ಸಮಾರಂಭವು ಬಹಳ ಔಚಿತ್ಯಪೂರ್ಣವಾಗಿದೆ ಎಂದು ಶಾಸಕ ಶಿವರಾಮ ಹೆಬ್ಬಾರ ಹೇಳಿದರು. 
ಸಂಕಲ್ಪ ಸೇವಾ ಸಂಸ್ಥೆಯ ಅಧ್ಯಕ್ಷ ಪ್ರಮೋದ ಹೆಗಡೆ ಮಾತನಾಡಿ, ಮಕ್ಕಳಿಗೆ ಕೃಷ್ಣನ ವೇಷ ಹಾಕಿ ಸಂಭ್ರಮಿಸುವ ಜೊತೆಯಲ್ಲಿ ಪುರಾಣ, ಇತಿಹಾಸದ ಕುರಿತಾದ ಕಲ್ಪನೆಯನ್ನೂ ಮೂಡಿಸಿದಾಗ ಸಾರ್ಥಕತೆ ಬರುತ್ತದೆ. ಸುಜ್ಞಾನ ಸೇವಾ ಫೌಂಡೇಷನ್, ಇ-ಯಲ್ಲಾಪುರ ಡಿಜಿಟಲ್ ನ್ಯೂಸ್, ಸುಜ್ಞಾನ ವಾಹಿನಿ ಪತ್ರಿಕೆ ಹಾಗೂ ಸಂಘಟಕರ ಕಾರ್ಯ ಮಾದರಿಯಾಗಿದೆ ಎಂದರು.